Një tërmet me magnitudë 5.3 ballë ka goditur rajonin e Tibetit, duke u regjistruar në një thellësi prej rreth 35 kilometrash. Lëkundjet janë ndjerë edhe në Nepal, por deri tani nuk ka raportime për viktima apo dëme të konsiderueshme. Ky tërmet vjen më pak se dy javë pas një katastrofe të rëndë në zonën kufitare të Himalajeve, ku një akullnajë u shemb dhe shkaktoi një rrëke masive uji, balte dhe mbeturinash, duke shkatërruar infrastrukturën dhe shkaktuar humbje të mëdha në jetë njerëzish. Autoritetet dhe ekipet e shpëtimit vazhdojnë monitorimin dhe kërkimet në zonat e prekura, ndërsa situata mbetet e vështirë për shkak të terrenit malor dhe dëmtimeve të rrugëve.