Në fshatin Lubiqevë të Prizrenit ka ndodhur një ngjarje e rëndë ku një person, i dyshuari Enis Kryeziu, ka kanosur kryetarin e fshatit dhe ka sulmuar fizikisht drejtorin e shkollës, duke i vendosur thikën në fyt. Përveç tyre, i njëjti dyshohet se ka kërcënuar edhe imamin e xhamisë dhe ka dëmtuar kamerën e sigurisë së objektit fetar. Pas denoncimeve të kryetarit dhe drejtorit, Policia e Kosovës ka ndërhyrë dhe ka arrestuar të dyshuarin, duke i sekuestruar edhe thikën e përdorur në sulm. I dyshuari është ndaluar për 48 orë dhe hetimet për këtë rast janë duke vazhduar.