Gjatë 24 orëve të fundit, Ministria e Punëve të Brendshme ka regjistruar tetë denoncime për dhunë në familje, nga të cilat gjashtë persona janë privuar nga liria. Rastet përfshijnë sulme fizike ndaj anëtarëve të familjes në qytete të ndryshme si Shtip, Ohër, Dibër, Kumanovë, Veles dhe Shkup. Në disa prej tyre janë përdorur edhe sende të mprehta dhe janë shkaktuar dëmtime materiale në shtëpi. MPB njofton se po vazhdojnë hetimet dhe pas dokumentimit të plotë do të parashtrohen kallëzime përkatëse ndaj kryerësve.