Gjatë 24 orëve të fundit, policia në Maqedoni ka arrestuar tetë persona për posedim të lëndëve narkotike në disa qytete të ndryshme. Rastet përfshijnë gjetjen e marihuanës, substancave pluhurore të bardha dhe substancave të tjera në Shkup, Strugë, Negotinë, Prilep dhe në pikën kufitare Tabanoc. Një prej të arrestuarve është edhe një punonjës i burgut Idrizovë, i cili u kap me substanca të ndaluara gjatë hyrjes në dhomën e takimeve. Ministria e Punëve të Brendshme njoftoi se pas përfundimit të hetimeve do të ngrihen parashtresa përkatëse ndaj të gjithë personave të përfshirë.