Në Maqedoninë e Veriut është regjistruar viktima e tetë nga ethet e Nilit Perëndimor, duke u shtuar numri i të vdekurve nga kjo sëmundje. Viktima më e fundit është një 70-vjeçar nga Draçeva e Shkupit, i cili po trajtohej në Klinikën për Sëmundje Infektive dhe kishte gjendje kritike me sëmundje shoqëruese. Autoritetet shëndetësore konfirmuan se deri tani janë regjistruar 56 raste të infektimit, kryesisht në Shkup dhe rrethinat e tij. Ministria e Shëndetësisë paralajmëroi se do të publikojë më shumë informacione gjatë ditës së hënë, duke rritur vëmendjen ndaj përhapjes së virusit dhe nevojën për masa parandaluese.