Një shofer nga Tetova është arrestuar pasi u kap duke vozitur me shpejtësi prej 177 km/h në rrugën Gostivar–Tetovë, në një segment ku lejohet vetëm 80 km/h. Ngjarja ndodhi rreth orës 18:00 pranë kyçjes së Bogovinës, ku Njësia Mobile për Sigurinë në Komunikacion evidentoi shkeljen me automjetin special për kontroll të shpejtësisë. Me urdhër të prokurorit publik, shoferi K.B., 47 vjeç, u privua nga liria dhe do të përballet me procedurë penale sipas nenit 297-a të Kodit Penal të Maqedonisë së Veriut. Ministria e Punëve të Brendshme thekson se kontrollet e trafikut do të vazhdojnë në të gjithë vendin për të rritur sigurinë dhe bën apel për respektimin e rregullave të komunikacionit.