Të premten në mbrëmje, në sheshin e qytetit të Podujevës, një i mitur është therur me thikë nga një mashkull kosovar. Policia e Kosovës ka reaguar menjëherë duke arrestuar të dyshuarin në vendin e ngjarjes dhe i ka ofruar viktimës ndihmën e nevojshme mjekësore. Pas intervistimit, me vendim të prokurorit, i dyshuari është dërguar në mbajtje për 48 orë, ndërsa rasti është duke u hetuar nga organet kompetente për zbardhjen e plotë të rrethanave. Gjendja shëndetësore e të miturit nuk është bërë e ditur deri më tani, ndërsa autoritetet vazhdojnë punën për sqarimin e ngjarjes.