Mbrëmjen e 28 shkurtit, në fshatin Llapnasellë të komunës së Graçanicës, një person është sulmuar me thikë pas një fjalosjeje mes tij dhe një tjetër. Viktima ka pësuar lëndime të rënda trupore dhe është dërguar fillimisht në emergjencën e Graçanicës, ndërsa më pas është transferuar në Spitalin e Mitrovicës Veri për trajtim të mëtejshëm. I dyshuari, një mashkull kosovar, është larguar në drejtim të panjohur dhe aktualisht është në arrati. Policia dhe prokuroria janë angazhuar në hetime për identifikimin dhe arrestimin e tij.