Një 62-vjeçar në fshatin Qilarisht të Përmetit është arrestuar pasi kishte kthyer banesën e tij në një thertore të paligjshme për bagëti të imta. Gjatë kontrollit u gjetën dhjetëra kafshë në proces therjeje dhe matrikuj të dyshuar të falsifikuar, ndërsa mbetjet e therjes hidhnin direkt në lumin Vjosë përmes një tubacioni, duke shkaktuar ndotje të rëndë mjedisore. Autoritetet, përfshirë Policinë, Seksionin për Hetimin e Krimeve Ekonomike dhe AKU, bllokuan ambientin dhe gjobitën pronarin me 200 mijë lekë të rinj. Përveç arrestimit të 62-vjeçarit për disa vepra penale, janë proceduar edhe dy veterinerë të Përmetit, të cilët dyshohen për shpërdorim detyre, pasi nuk kanë kryer kontrollet e nevojshme mbi bagëtitë në këtë ambient. Hetimet vazhdojnë nën drejtimin e Prokurorisë për zbardhjen e plotë të këtij skandali mjedisor dhe ushqimor.