Një 13-vjeçar në Tiranë është mbajtur peng dhe ngacmuar seksualisht nga një 31-vjeçar, i cili është arrestuar nga policia e Komisariatit Nr. 4. Ngjarja ka ndodhur më 23 korrik në zonën e rrugës “Bardhyl”, ku i mituri u thirr nga i dyshuari, me të cilin njiheshin, dhe u mbajt në banesë për afro dy orë pa lejen e tij. Pas ngjarjes, i mituri ka bërë kallëzim pranë policisë në prani të prindërve dhe psikologut, duke treguar detajet e tmerrit që përjetoi. I arrestuari, i cili ka precedentë për përdorim të lëndëve narkotike, mohon akuzat për ngacmim seksual dhe heqje të paligjshme të lirisë, ndërsa hetimet vazhdojnë.