Një fluturim i Turkish Airlines nga Stambolli drejt Tunizisë u përball me turbulenca të forta dhe panik në bord, ku pasagjerët përjetuan momente tmerri dhe lot. Piloti tentoi tri herë të ulte avionin Airbus A321 në aeroportin Tunis-Carthage gjatë një stuhie të fuqishme, por për shkak të kushteve të vështira u detyrua ta ridrejtonte në aeroportin Enfidha-Hammamet, 90 kilometra larg. Pas uljes së sigurt, pasagjerët shpërthyen në duartrokitje, duke shprehur lehtësim pas përvojës së tensionuar. Ekspertët lidhin rritjen e turbulencave me ndryshimet klimatike dhe ngrohjen globale, që po bëjnë këto fenomene më të shpeshta dhe intensive në fluturime.