Një aksident trafiku ka ndodhur në kryqëzimin pranë Aeroportit Ndërkombëtar të Shkupit, duke shkaktuar ndërprerje të trafikut në autostradën Kumanovë-Veles që nga ora 06:00. Për shkak të ngjarjes, trafiku drejt hyrjes kryesore të terminalit është devijuar përmes kryqëzimit në rafinerinë "Okta". Autoritetet e aeroportit kanë njoftuar shoferët të përdorin hyrjen e vjetër të aeroportit si rrugë alternative për të arritur në ndërtesën e terminalit. Lidhja Auto-Moto e Maqedonisë dhe "TAV Maqedoni" po monitorojnë situatën dhe informojnë publikun për zhvillimet e mëtejshme.