Policia e Kosovës ka raportuar se gjatë 24 orëve të fundit janë shqiptuar 2,561 tiketa trafiku, ndërsa janë regjistruar gjithsej 96 aksidente, prej të cilave 29 kanë përfunduar me persona të lënduar dhe 67 me dëme materiale. Fatmirësisht, nuk është shënuar asnjë aksident me fatalitet gjatë kësaj periudhe. Gjithashtu, janë arrestuar 24 persona, prej të cilëve 14 janë dërguar në mbajtje, ndërsa nuk ka persona në ndalim policor apo në vuajtje të dënimit. Policia vazhdon të bëjë thirrje për respektimin e rregullave të komunikacionit dhe kujdes të shtuar për të parandaluar aksidentet dhe për të ruajtur sigurinë në rrugë.