Një aksident i rëndë trafiku ka ndodhur në rajonin Urfahr-Umgebung të Austrisë, ku një i ri shqiptar nga Kosova, Yll Zenuni, 18 vjeç nga fshati Kuk i komunës së Dragashit, ka humbur jetën pas përplasjes së një veture me një kamion. Ngjarja tragjike ndodhi në rrugën B126 dhe pavarësisht përpjekjeve të ekipeve mjekësore, 18-vjeçari vdiq në vend. Në aksident u lëndua edhe një i ri tjetër, shtetas rumun, i cili po trajtohet nga autoritetet lokale. Kryetari i komunës së Dragashit, Bexhet Xheladini, ka shprehur ngushëllimet më të sinqerta për familjen Zenuni dhe komunitetin, duke theksuar dhimbjen e madhe për humbjen e një të riu në moshë kaq të hershme dhe duke u lutur që familja të gjejë forcë për ta përballuar këtë humbje të rëndë.