Një grua shqiptare, 32-vjeçarja Xhulijana Guna, humbi jetën në një aksident tragjik në Itali, pasi u godit nga një veturë FIAT 500 që drejtohej nga një grua italiane 37-vjeçare. Ngjarja ndodhi të premten rreth orës 09:00 në autostradën shtetërore 18, pranë kthesës në Santa Cecilia, një zonë që banorët e konsiderojnë të rrezikshme për shkak të aksidenteve të shpeshta. Drejtuesja e makinës pretendoi se humbi kontrollin e automjetit për shkak të një gjendjeje të keqe shëndetësore, duke dalë nga rruga dhe duke goditur Xhulijanën, e cila sapo kishte çuar vajzën në shkollë. Hetimet vazhdojnë, ndërsa policia po mbledh dëshmi nga dëshmitarët dhe kamerat e sigurisë për të sqaruar rrethanat e sakta të aksidentit.