Të martën në Kosovë u regjistruan tre vdekje tragjike, dy prej tyre si pasojë e aksidenteve në trafik dhe një rast tjetër në hetim. Në fshatin Komoran të Drenasit, një 24-vjeçare humbi jetën në një aksident ku u lënduan edhe tre persona të tjerë. Një tjetër aksident fatal ndodhi në rrugën “Besim Ndreca” në Suharekë, ku drejtuesi i një veture humbi kontrollin dhe u përplas me një objekt, duke ndërruar jetë në vend. Ndërkohë, në komunën e Vitisë, një burrë u gjet pa shenja jete dhe rasti po hetohet si “hetim i vdekjes”. Të tre trupat e pajetë janë dërguar për obduksion në Institutin e Mjekësisë Ligjore, ndërsa hetimet për zbardhjen e plotë të ngjarjeve vazhdojnë.