Një ngjarje tragjike ndodhi në ditën e Pashkës në një pyll pranë Flensburgut në veri të Gjermanisë, ku një pemë rreth 30 metra e lartë u rrëzua nga era e fortë mbi një grup njerëzish që po kërkonin vezë. Si pasojë humbën jetën tre persona, përfshirë një 16-vjeçare, një 21-vjeçare dhe foshnja 10-muajshe e kësaj të fundit, ndërsa një vajzë 18-vjeçare mbeti e plagosur rëndë dhe u operua në spital. Autoritetet dyshojnë se rrëzimi i pemës shkaktoi nga kushtet atmosferike dhe erërat e forta, ndërsa hetimet për shkakun e saktë vazhdojnë. Në vendngjarje ndërhynë dhjetëra forca shpëtimi, përfshirë zjarrfikës, policinë dhe helikopterë, dhe u ofrua ndihmë psikologjike për të pranishmit, ndërsa komuniteti dhe autoritetet gjermane shprehën ngushëllime për familjet e viktimave.