Në orët e para të mëngjesit të së shtunës, në fshatin Gërdoc të Podujevës, një shofer ka humbur jetën pas një vetaksidenti tragjik. Aksidenti ndodhi rreth orës 00:43, kur drejtuesi i automjetit me targa vendore humbi kontrollin mbi veturën e tij. Në vendin e ngjarjes kanë mbërritur njësitë policore dhe mjeku kujdestar, i cili konstattoi vdekjen e viktimës. Me urdhër të prokurorit, trupi i pajetë u dërgua për obduksion në Institutin e Mjekësisë Ligjore, ndërsa hetimet për shkaqet e aksidentit vazhdojnë nga organet kompetente.