Një aksident i rëndë detar ka ndodhur në zonën mes ishujve Braç dhe Sholta në Dalmacinë qendrore, ku tre persona kanë humbur jetën. Përplasja ka përfshirë një katamaran dhe një varkë me vela në një nga korridoret më të frekuentuara të lundrimit në Adriatik. Shërbimet e emergjencës kroate, përfshirë policinë detare dhe autoritetet portuale, kanë reaguar menjëherë dhe kanë nisur një hetim për të zbardhur rrethanat e aksidentit. Përveç viktimave, disa persona të tjerë janë plagosur dhe janë dërguar për trajtim mjekësor, ndërsa autoritetet pritet të publikojnë më shumë detaje pas përfundimit të ekspertizës dhe marrjes në pyetje të dëshmitarëve.