Një 39-vjeçar, baba i tre fëmijëve, humbi jetën gjatë pushimeve në jug të Turqisë pasi u hodh me kokë nga skela e një hoteli në ujë me thellësi vetëm rreth 50 centimetra. Ngjarja ndodhi në lagjen Konaklı të Alanyas, në provincën e Antalyas, rreth orës 15:00. Në skelë ishin vendosur litarë mbrojtës dhe tabela që ndalonin hedhjen për shkak të nivelit të ulët të ujit, por viktima, Arif Erman nga Sapanca, kaloi pengesat dhe u hodh me vrull në ujë. Autoritetet kanë nisur hetimet për të zbardhur plotësisht rrethanat e ngjarjes, ndërsa pamjet e kamerave të sigurisë tregojnë momentet para fatkeqësisë.