Në Qipro, dy fëmijë të moshës tetë dhe 10 vjeç u gjetën të vdekur brenda një makine të mbyllur në bazën ushtarake britanike në Dhekelia, pas dyshimeve se ishin lënë të flinin aty gjatë temperaturave të larta. Babai dhe njerka e tyre janë arrestuar për neglizhencë, ndërsa autoritetet po hetojnë rrethanat e ngjarjes dhe presin rezultatet e autopsisë për të përcaktuar shkakun zyrtar të vdekjes. Në trupat e fëmijëve janë vërejtur shenja të djegieve nga nxehtësia, ndërsa ngjarja lidhet me valën ekstreme të të nxehtit që ka prekur Evropën, ku janë regjistruar edhe viktima të tjera të ngjashme në Francë. Autoritetet paralajmërojnë për rritje të rasteve emergjente dhe mbingarkesë të spitaleve për shkak të temperaturave rekord.