Një ngjarje tragjike ka tronditur qytetin e Shkodrës, ku një 27-vjeçare me inicialet M.S. humbi jetën vetëm pak orë pas lindjes së binjakëve të saj. Gjendja shëndetësore e saj u përkeqësua menjëherë pas lindjes, duke bërë të domosdoshëm një apel urgjent për dhurim gjaku të grupit 0 negativ. Thirrja për ndihmë u përhap shpejt në rrjetet sociale dhe media, duke mobilizuar dhjetëra qytetarë që iu përgjigjën apelit për të dhuruar gjak. Pavarësisht përpjekjeve intensive të mjekëve dhe solidaritetit të komunitetit, 27-vjeçarja nuk arriti t’i mbijetojë komplikimeve, duke lënë pas një dhimbje të madhe për familjen dhe opinionin publik.