Ganimete Zeneli, 42-vjeçarja nga Poterq i Epërm e Klinës, ndërroi jetë pas plagëve të marra në një incident tragjik më 6 shtator, ku dyshohet se sulmi u krye nga vëllai i saj, Berat Zeneli. Ai, rreth 35 vjeç, dyshohet të ketë pasur probleme me shëndetin mendor, çështje që pritet të konfirmohet nga institucionet përkatëse. Varrimi i Ganimetes u organizua sot në orën 14:00 në varrezat e fshatit, ku familjarët pranuan ngushëllimet gjatë ceremonisë mortore, pa hapur “e pamja”. Ngjarja tronditëse për familjen dhe komunitetin mbetet në hetim, ndërsa personat e përfshirë konsiderohen të pafajshëm derisa të vendoset ndryshe nga gjykata.