Mbrëmjen e 19 majit në Rahovec, një 21-vjeçar dyshohet se ka kanosur nënën e tij dhe më pas ka tentuar të japë fund jetës së tij në mënyra të ndryshme tragjike. Ai u përpoq të vetëvarrej me një kabllo të makinës për prerjen e druve dhe gjithashtu tentoi t’i presë venat me një thikë kuzhine. Pas ndërhyrjes së Policisë, i riu u dërgua fillimisht për trajtim mjekësor në Qendrën Kryesore të Mjekësisë Familjare dhe më pas në spitalin rajonal, ku u shtrua në repartin psikiatrik dhe ndodhet nën mbikëqyrje policore. Rasti është iniciuar si “Dhunë në familje”, ndërsa ndaj të dyshuarit është caktuar masa e ndalimit për 48 orë dhe hetimet vazhdojnë për zbardhjen e plotë të ngjarjes.