Një 27-vjeçare braziliane, Barbara Laura Souza Feliz, humbi jetën gjatë një procedure kirurgjikale estetike të njohur si “Brazilian butt lift”. Ajo kishte shkuar në një klinikë private për të transferuar yndyrë nga barku dhe shpina në vithe, por gjatë transplantimit stafi mjekësor vuri re një rënie të menjëhershme të funksionit të frymëmarrjes së saj, që përfundoi me ndalimin e zemrës. Mjekët tentuan ta rikthenin në jetë për më shumë se një orë, por pa sukses, ndërsa shkaku i dyshuar i vdekjes është embolia pulmonare, e shkaktuar nga yndyra e injektuar. Policia ka nisur hetimet në vendngjarje, ndërsa trupi i saj është dërguar për autopsi në Institutin Mjeko-Ligjor Andre Roquette; viktima ishte pa probleme shëndetësore të njohura dhe jetonte në Belo Horizonte.