Një aksident fatal ka ndodhur në aksin e vjetër rrugor Fushë-Krujë-Laç, ku një motoçikletë me drejtues Gjin Kolën është përplasur nga një automjet tip “Benz”. Përplasja ka qenë kaq e fortë sa motoristi ka ndërruar jetë në vend. Shoferi i veturës, një 24-vjeçar me inicialet L.V., është shoqëruar në Komisariatin e Policisë së Fushë-Krujës, ndërsa po kryhen hetime për zbardhjen e plotë të rrethanave të aksidentit. Policia dyshon se shkak mund të ketë qenë pakujdesia e drejtuesit të automjetit, por përfundimet do të nxirren pas ekspertizës auto-teknike.