Një aksident i rëndë rrugor ka ndodhur në aksin Pogradec-Lin, pranë fshatit Pojskë, ku janë përplasur kokë më kokë dy automjete. Si pasojë e përplasjes, dy persona kanë mbetur të lënduar dhe janë dërguar me urgjencë në Spitalin e Pogradecit për trajtim mjekësor. Megjithatë, një nga të plagosurat, një grua me identitet ende të paqartë, nuk ka mundur t’u mbijetojë plagëve dhe ka ndërruar jetë. Ngjarja ka tronditur komunitetin lokal dhe ka nxitur reagime për sigurinë në rrugë.