Niq Krasniqi, veprimtar në Austri, ka deklaruar se shumica e punëtorëve që humbën jetën në tragjedinë në Austri ishin shqiptarë nga Kosova që jetonin atje mbi 15 vjet. Ai thekson se ngjarja dyshohet të ketë ndodhur për shkak të një gabimi njerëzor ose teknik dhe se ndërtimtaria në Austri është një sektor ku punojnë kryesisht shqiptarët, duke përfshirë edhe gjeneratën e dytë që ka nisur kompani ndërtimore. Krasniqi vlerëson reagimin e ambasadës, por kërkon një qasje më të gjerë nga shteti për kujdesin ndaj emigrantëve kosovarë.