Mbrëmjen e së premtes në autostradën Fier-Vlorë, në zonën e Novoselës, një person humbi jetën pas një aksidenti të rëndë. Viktima, që dyshohet të jetë një endacak, po tentonte të kalonte autostradën kur u përplas nga një makinë, duke pësuar dëmtime të rënda dhe duke ndërruar jetë në vendngjarje. Policia dhe grupi hetimor mbërritën menjëherë në vendin e ngjarjes për të zbardhur rrethanat dhe për të identifikuar viktimën. Për shkak të aksidentit, qarkullimi në autostradë u bllokua përkohësisht, ndërsa hetimet vazhdojnë për përcaktimin e përgjegjësive.