Një shofer kamioni nga Maqedonia e Veriut humbi jetën në një aksident të rëndë në autostradën Bregana - Zagreb në Kroaci. Ngjarja ndodhi pranë Sredancit, ku kamioni u përplas me mbrojtëset anësore, goditi një linjë elektrike dhe u përfshi nga flakët. Shoferi mbeti i bllokuar brenda automjetit dhe nuk mundi të shpëtonte, ndërsa të gjitha shërbimet emergjente mbërritën në vendin e ngjarjes. Policia po zhvillon hetime për të përcaktuar shkakun e saktë të aksidentit.