Një aksident i rëndë trafiku ka ndodhur në autostradën bregdetare pranë Unecit në Slloveni, ku tre shtetas të Maqedonisë së Veriut kanë humbur jetën dhe dy të tjerë janë plagosur. Ngjarja ka ndodhur pasi një kamion, i cili ishte ndalur për shkak të një defekti, është përplasur nga pas nga një automjet me pesë persona brenda, të gjithë nga Maqedonia e Veriut. Tre viktimat u konfirmuan të vdekur në vendngjarje, ndërsa një person i plagosur rëndë u transportua me helikopter në spital dhe shoferi me autoambulancë. Autoritetet sllovene vazhdojnë hetimet dhe nuk kanë dhënë ende detaje mbi identitetin dhe gjendjen e mbijetuarve, ndërkohë që në vendin e ngjarjes kanë punuar policia, zjarrfikësit dhe ekipet mjekësore.