Në bjeshkët e Komunës së Deçanit ka ndodhur një ngjarje tragjike ku një person ka humbur jetën si pasojë e shkrepjes së armës së zjarrit nga pakujdesia e një tjetri. Prokuroria Themelore në Pejë ka ndaluar për 48 orë të dyshuarin, i cili akuzohet për veprat penale “Vrasja nga pakujdesia” dhe “Mbajtja në pronësi, kontroll ose posedim të paautorizuar të armëve”. Pas marrjes së informatave, në vendin e ngjarjes kanë dalë prokurorë dhe njësitë e Policisë së Kosovës për të kryer veprimet hetimore, duke përfshirë intervistimin e dëshmitarëve dhe ekspertizën balistike. Trupi i pajetë i viktimës është dërguar për obduksion në Institutin e Mjekësisë Ligjore, ndërsa hetimet vazhdojnë për të sqaruar plotësisht rrethanat e ngjarjes.