Një aksident i rëndë rrugor ka ndodhur mesditën e së dielës në aksin Bulqizë–Klos, në zonën e njohur si Plani i Bardhë, ku si pasojë ka humbur jetën një 50-vjeçar dhe katër persona të tjerë kanë mbetur të plagosur. Viktima, Hali Gjashi, udhëtonte si pasagjer në njërin prej dy automjeteve të përfshira në përplasje, të drejtuara nga shtetasit me iniciale Xh. S. dhe S. C. Përplasja ka qenë e fortë dhe ka shkaktuar vdekjen e menjëhershme të 50-vjeçarit në vendin e ngjarjes, ndërsa dy drejtuesit dhe dy pasagjerë të tjerë janë dërguar në spital për trajtim mjekësor.