Një tragjedi me tre viktima ka tronditur Danilovgradin në Mal të Zi, ku humbën jetën punonjësit e poligonit të qitjes “Češka zbrojevka”, Petar Globarević, Momir Radonjić dhe Nemanja Kapor. Kryeministri Milojko Spajić shpalli dy ditë zie kombëtare më 1 dhe 2 shtator, duke shtyrë fillimin e vitit të ri shkollor në këtë qytet për në 3 shtator. Gjatë ditëve të zisë, flamujt do të ulen në gjysmështizë në institucionet shtetërore dhe nuk do të zhvillohen programe publike, kulturore apo argëtuese, ndërsa mediat dhe lokalet do të përshtatin aktivitetet e tyre me këtë situatë. Policia ka shpallur në kërkim një shtetas rus, Mihail Shabunin, 30 vjeç, si autor të dyshuar të ngjarjes, ndërsa autoritetet po punojnë intensivisht për zbardhjen e rrethanave të saj.