Imami i fshatit Zlipotok në Dragash, Gazmend Tahirovci, u vra mbrëmjen e së hënës pas një konflikti për një copë toke që kishte kositur. Ai u ther pesë herë me thikë nga i dyshuari Beshir Hamza, i njohur si “Kalorësi i Dragashit”, ndërsa në ngjarje ishte i pranishëm edhe babai i tij, i cili dyshohet për mosdhënie të ndihmës. Pas vrasjes, i biri u arratis, por pas një operacioni të gjatë policor me përdorimin e njësitit K-9, dronëve termikë dhe kufitarëve, u arrestua në orët e para të së martës.