Një aksident tragjik në Durrës ka shkaktuar vdekjen e dy fëmijëve dhe lëndimin e rëndë të një të tretë, i cili po trajtohet në Spitalin e Traumës. Ministria e Shëndetësisë njofton se i mituri i plagosur është në gjendje të rëndë, me dëmtime të shumta, por është koshient. Ngjarja ndodhi kur një automjet, i drejtuar nga një 57-vjeçar në gjendje të dehur, humbi kontrollin dhe përplasi katër fëmijë që po luanin në trotuar; një prej tyre shpëtoi pa lëndime. Pas aksidentit, drejtuesi i mjetit u largua nga vendi i ngjarjes, por u arrestua më vonë nga policia.