Kinu Rochford, ish-basketbollisti amerikan që kishte luajtur edhe për skuadrën kosovare Golden Eagle Ylli në vitin 2021, u vra tragjikisht në Harlem të Nju Jorkut në moshën 35-vjeçare. Ai u qëllua në kokë gjatë një konflikti në një fushë basketbolli, dhe pavarësisht përpjekjeve mjekësore, u shpall i vdekur në spitalin Mount Sinai Morningside. Nga të shtënat mbetën të plagosur edhe dy persona të tjerë, një 28-vjeçar dhe një 22-vjeçare, të cilët janë jashtë rrezikut për jetën. Policia vazhdon kërkimin për autorin e ngjarjes, ndërsa komuniteti i basketbollit dhe miqtë e Rochford e kujtojnë atë si një mentor dhe njeri të mirë që ndikoi pozitivisht tek të rinjtë.