Një grua nga fshati Istog i Poshtëm ka ndërruar jetë mbrëmë si pasojë e plagëve të marra nga arma e zjarrit, e cila dyshohet se është vetëplagosur me armën që i përkiste bashkëshortit të saj. Ajo u dërgua në Spitalin e Pejës, por nuk arriti t’i mbijetojë plagëve dhe ndërroi jetë në sallën e operimit rreth orës 18:57. Policia dhe njësitet përkatëse kanë dalë në vendngjarje dhe po vazhdojnë hetimet për zbardhjen e plotë të rrethanave të ngjarjes. Trupi i pajetë i viktimës është dërguar për obduksion në Institutin e Mjekësisë Ligjore me vendim të prokurorit, ndërsa burimet kanë bërë të ditur se viktima është L. Maxharraj-Shoshi.