Një aksident me fatalitet ka ndodhur në Ksamil, në zonën e njohur si “Pema e Thatë”, ku ka humbur jetën Antonio Mateli, një 20-vjeçar banues në këtë qytet. I riu, drejtues i një furgoni, ndërroi jetë rrugës për në spital pas përplasjes. Në vendngjarje kanë mbërritur forca të shumta policore për të hetuar dhe dokumentuar ngjarjen në detaje. Autoritetet vijojnë punën për zbardhjen e plotë të rrethanave që çuan në këtë tragjedi.