Mbrëmjen e 27 gushtit, në aksin rrugor që lidh Fishtën me Lezhën, një 12-vjeçar humbi jetën pas një përplasje të fortë me një automjet tip “Audi”. I mituri po lëvizte me monopatinë kur u godit nga makina, e cila më pas doli nga rruga dhe përfundoi në një kanal. Drejtuesi i automjetit, së bashku me familjen e tij, nuk pësuan dëmtime, ndërsa ai u shoqërua nga policia për veprime të mëtejshme. Grupi hetimor po punon për të zbardhur rrethanat dhe shkaqet e këtij aksidenti tragjik.