Shtatë turistë kinezë kanë humbur jetën në Liqenin Baikal në Rusi, pasi makina në të cilën po udhëtonin u fundos në ujë pas thyerjes së akullit mbi të cilin po lëviznin. Automjeti ra në një thellësi prej rreth 18 metrash kur shtresa e hollë e akullit u çar papritur, duke shkaktuar mbytjen e viktimave, përfshirë një çift dhe fëmijën e tyre 14-vjeçar. Vetëm një person arriti të shpëtojë dhe ka dhënë deklaratë para autoriteteve hetimore, të cilat kanë nisur një hetim penal për shkelje të standardeve të sigurisë në ofrimin e shërbimeve turistike. Autoritetet dhe zhytësit po vazhdojnë operacionet për identifikimin dhe nxjerrjen e trupave, ndërsa ekspertët paralajmërojnë për rreziqet e luhatjeve të trashësisë së akullit në këtë zonë të njohur për turizmin dimëror.