Pasditen e sotme në zonën e Lushnjës, një fermer 65-vjeçar, Besnik Hasalla nga fshati Garunjas i Njësisë Administrative Ballagat, ka humbur jetën në një aksident tragjik gjatë punës në tokën bujqësore. Ai po drejtonte një mjet bujqësor kur, për arsye ende të paqarta, humbi kontrollin dhe u rrokullis poshtë mjetit, duke pësuar dëmtime fatale. Pavarësisht përpjekjeve, Hasalla nuk mundi t’i mbijetojë plagëve të marra. Në vendngjarje mbërritën menjëherë forcat e policisë, të cilat kanë nisur hetimet për të sqaruar plotësisht rrethanat e aksidentit.