Një tragjedi e rëndë ndodhi në Malishevë, ku një banesë në një banim kolektiv social u përfshi nga zjarri, duke shkaktuar vdekjen e tre personave, një babai 35-vjeçar dhe dy fëmijëve të tij, 9 dhe 12 vjeç. Policia mori njoftimin për ngjarjen në orën 12:55 dhe menjëherë dërgoi njësitë emergjente dhe zjarrfikësit në vendin e ngjarjes. Mjekët konfirmuan vdekjen e viktimave, ndërsa një person tjetër u gjet pa vetëdije dhe u dërgua në Qendrën Kryesore të Mjekësisë Familjare. Komandanti i policisë, Nazmi Zogaj, bëri të ditur se deri tani nuk ka asnjë informacion për shpërthim bombole gazi, pasi dëshmitarët nuk dëgjuan ndonjë eksplodim dhe arsyeja e zjarrit mbetet ende në hetim.