Egzon Bytyqi, i dyshuari për vrasjen e bashkëshortes së tij shtatzënë në fshatin Kërvasar të Malishevës, humbi jetën në Qendrën Klinike Universitare të Kosovës, ku po trajtohej në gjendje të rëndë pas plagosjes së vet me armë zjarri. Ngjarja e rëndë ndodhi më 23 gusht, kur policia gjeti çiftin të plagosur në dhomën e gjumit; bashkëshortja 25-vjeçare, e cila ishte në javën e 34-të të shtatzënisë, ndërroi jetë pavarësisht përpjekjeve mjekësore. Prokuroria kishte nisur hetimet për veprat penale “Vrasje e rëndë” dhe “Mbajtje të paautorizuar të armëve”. Sot, familjarët do t’i japin lamtumirën e fundit Egzon Bytyqit në një ceremoni që do të fillojë në orën 18:00.