Një ngjarje e rëndë ka ndodhur në fshatin Përlat i Epërm të Mirditës, ku një 45-vjeçar ka humbur jetën pasi ra në kontakt me energjinë elektrike. Ai ishte ngjitur në një shtyllë elektrike pranë banesës së vjehrrit të tij, me qëllim të zgjidhjes së problemeve me ndriçimin në zonë. Hetimet paraprake tregojnë se energjia në shtyllë ishte aktive, çka shkaktoi vdekjen e menjëhershme të tij. Rasti po hetohet nga autoritetet për të sqaruar të gjitha rrethanat e ngjarjes.