Një aksident i rëndë automobilistik ka ndodhur në aksin Lurë–Rrëshen, në fshatin Kurbnesh të Mirditës, ku një 20-vjeçar ka humbur jetën dhe dy persona të tjerë kanë mbetur të plagosur. Automjeti, i drejtuar nga një 20-vjeçar me inicialet A. K., ka dalë nga rruga, duke shkaktuar tragjedinë. Pasagjeri C. N., gjithashtu 20 vjeç, ka ndërruar jetë në vend, ndërsa drejtuesi i mjetit dhe një pasagjer tjetër i mitur rreth 15 vjeç janë plagosur dhe janë transportuar me helikopter në Spitalin e Traumës në Tiranë për trajtim mjekësor. Në vendngjarje ndodhet grupi hetimor që, nën drejtimin e Prokurorisë, po punon për të zbardhur shkaqet dhe rrethanat e aksidentit.