Më 1 gusht në fshatin Raushiq të Pejës ndodhi një aksident i rëndë trafiku ku një automjet dyshohet se kreu një kthim të pasigurt, duke i ndërprerë rrugën një motoçiklete që po lëvizte në të njëjtin drejtim. Si pasojë e përplasjes, shtatë persona u lënduan, ndërsa më rëndë u plagos drejtuesi i motoçikletës, 25-vjeçari Alban Xhemajli, i cili u dërgua në Qendrën Klinike Universitare të Kosovës në gjendje kritike. Pas disa ditësh luftë për jetën, rreth orës 01:10 të mëngjesit të 7 gushtit, ai nuk arriti t’u mbijetojë plagëve të marra dhe ndërroi jetë. Policia dhe Prokuroria kanë nisur hetimet për zbardhjen e plotë të rrethanave të ngjarjes, ndërsa trupi i pajetë i të riut është dërguar për obduksion në Institutin e Mjekësisë Ligjore.