Një vetaksident me pasojë vdekjen ka ndodhur në fshatin Gërdoc të Podujevës pak pas mesnatës, ku një 56-vjeçar humbi jetën pasi automjeti që drejtonte doli nga rruga. Ngjarja ndodhi rreth orës 00:40, kur H. A., duke drejtuar një VW Caddy të bardhë, u përfshi në aksidentin fatal. Në vendin e ngjarjes u përgjigjën menjëherë ekipet e Emergjencës dhe Policia, ndërsa mjeku kujdestar konstattoi vdekjen e shoferit në vend. Hetimet për zbardhjen e rrethanave vazhdojnë nga Njësia Rajonale për Kontrollin e Komunikacionit Rrugor dhe hetuesit e aksidenteve, ndërsa trupi i pajetë është dërguar për obduksion me urdhër të Prokurorit të Shtetit.