Tragjedia që ndodhi më 6 shtator në fshatin Poterq i Epërm të Klinës ka marrë një kthesë më të rëndë pas vdekjes së Ganimete Zenelit, 42-vjeçare, e cila nuk arriti t’i mbijetojë plagëve të marra. Me këtë humbje, numri i viktimave të ngjarjes tragjike është dyfishuar, pasi më parë kishte ndërruar jetë edhe Zoje Zeneli, rreth 81-vjeçare. I dyshuari për këtë rast është Berat Zeneli, rreth 35 vjeç, ndërsa hetimet po vazhdojnë nën dyshimin për “Vrasje të rëndë”. Trupi i pajetë i Ganimete Zenelit do të dërgohet në Institutin e Mjekësisë Ligjore për obduksion, ndërsa organet e hetuesisë po punojnë për zbardhjen e plotë të rrethanave të ngjarjes.