Një ngjarje tragjike ka ndodhur në fshatin Bellacerkë të Rahovecit, ku një i mitur është gjetur i plagosur me armë zjarri rreth orës 20:20. Ai është dërguar menjëherë për trajtim mjekësor, por mjekët kanë konstatuar vdekjen e tij në spital. Policia e Kosovës ka konfirmuar ngjarjen dhe ka sekuestruar armën e zjarrit si provë materiale në vendin e ngjarjes. Rasti është iniciuar si “Hetim i vdekjes” dhe trupi i pajetë i viktimës do të dërgohet në Institutin e Mjekësisë Ligjore, ndërsa njësitë policore dhe Prokuroria po vazhdojnë hetimet për të sqaruar plotësisht rrethanat e ngjarjes.